بالفيديو .. المروج : امرأة في سيارة تابعة للسلك الدبلوماسي تترك طفلة السنتين وسط الطريق

بالفيديو .. المروج : امرأة في سيارة تابعة للسلك الدبلوماسي تترك طفلة السنتين وسط الطريق

0 By

نشر مواطن تونسي مساء اليوم مقطع فيديو على الفايسبوك، يوثّق فيه سيارة تابعة للسلك الدبلوماسي تنزل منها إمراة وتترك طفلة السنتين تبكي وسط الطريق، وأرفق الفيديو بنداء إستغاثة وتدوينة كشف فيها كامل تفاصيل الحادثة :

في المروج تقريبا 18:30
نهار من نهاراتي يتعدا مهوش عادي و منتصورش بش يتنسا تبدآ ماشي تاقف كرهبة يهبط راجل كبير شوية و يهبط معاه طفلة صغيرة عمرها تقريبا حوالي عامين و يمكن أقل طفلة ماشاء الله عليها ..
أنا ماشي فيبالي موقف عادي هبطوها بش تعمل پيپي نركز شوية نلقى الطفلة حفيانة و في ثواني يدور الراجل يركب كرهبتو و يخلي الطفلة مطيشة على الكياس فاحمة بالبكاء عصابي تلفت هبطت تجري و تلفون في يديا نصور و نصيح
تاقف الكرهبة المرة هاذي تهبط مرى متحجبة تضهر في الفيديو (والي بش يقلي تشهير وتشهر بالعباد نقلو نشهر خاترو موقف ماهوش عادي و متنجمش تبررو لا بخلاف عائلي لا بغلطة لا بحتى شي )
يا سيدك بن سيدك أنا والي معايا نعيطو و نقولولها نرمال ياخي و هيا جايا تشلك من الكرهبة تتمشى بكل برودة دم وتقول شنيا المشكلة مالا كان عملنا حادث
(هاذي المرأة حاشاها من هاذي الصفة يمكن تكون امها و يمكن تكون شخص غريب عليها.
انسانة تتمنى الموت لطفلة صغيرة تطيشها على حافة كياس و كل برودة دم ماتحركتلها حتى شعرة ) هذا الكل و سي السيد الراجل الكبير قاعد في كرهبتو مهبطش و يتبين انها سيارة دبلوماسي
أنا صورت الحادثة و مشيت لاقرب مركز مشكورين الاعوان و السيد رئيس المركز على التعاون تنقلو لعين لمكان سمعونا و فهمونا
وخذاو اقوالنا …
أنا تو نخمم في الطفلة الصغيرة كان هوما عايلتها راهم خطر عليها و كان مهمش عايلتها راي في خطر ينجمو يقتلوها يطيشوها يعاودو يهبطوها في بلاصة أخرى
يلزم الحكاية توصل لمندوب الطفولة.

الفيديو :