بالفيديو .. رسالة مؤثرة من والدة سليم الذي توفي في مركز إيقاف بصفاقس : يا سجان جاك ستيلو وما وصلتوش

بالفيديو .. رسالة مؤثرة من والدة سليم الذي توفي في مركز إيقاف بصفاقس : يا سجان جاك ستيلو وما وصلتوش

0 By

نشرت والدة الشاب سليم زيان الذي توفي في مركز إيقاف بصفاقس بسبب منعه من إستعمال الدواء الخاص به تدوينة مؤثرة جدا هذا ما جاء فيها :
عرفتوشي هذا شنوة، هذا ستيلو الأنسولين اللي كان يزرق بيه سليم كل يوم 3 مرات ، كل يوم 3 دقات ، مرة في بطنو ، مرة في وركو مرة في يدو ، كان يدقها كأنها تدق في قلبي أما فرحانة ونحمد في ربي ونشكرو نقول المهم عايش ويدخل ويخرج عليا ، ديما كان عندي أمل كبير أنو يصير اختراع ويصير دواء يقضي على مرض السكري، الستيلو هذا كان كل مرة يكمل نستحفظ بيه مانعرفش علاش أما توا عرفت وقت اللي مات وأنا عرفت، باش نقول شوف للي تسببو في موتو عمري كامل وانا نوفرلوا في الزرارق وصابرة وهاكا واجبي كان كنت نجم نعطيه قطعة من بدني عطيتو، باش نقول إنت يا بوليسي ياللي وقفتوا جابولك ستيلو وحرمتو من دواه، وانت يا بحاث عطيناك الستيلو لغدوة وماعطيتهولوش، وانت يا سجان الإيقاف جاك ستيلو و ماوصلتوش علاش علاش حرام عليكم حرمتوه من دواه وحرمتوه من دنيتوا يا ويلكم من ربي و حرمتوني منو وقصفتولو عمروا.
يا ربي صبرك توحشتك يا سلومة ما عندي ما نقول كان حسبي الله ونعم الوكيل.


وكان الشاب سليم زيان قد تعكرت حالته أثناء ايقافه بالسجن والذي تبين أنه يشكو من مرض السكري وكان يحتاج الى حقن ”الانسولين” ورغم الاسعافات الأولية الا أنه توفي اثر نقله الى مستشفى صفاقس.

الفيديو :