بالصور .. شقيقة الشاب نادر الذي توفي إثر سقوطه من الحافلة تستغيث : قتلولي خويا والمجرمين سيبوهم

بالصور .. شقيقة الشاب نادر الذي توفي إثر سقوطه من الحافلة تستغيث : قتلولي خويا والمجرمين سيبوهم

0 By

نشرت شقيقة الشاب نادر الذي لقي حتفه إثر سقوطه من الحافلة في منزل عبد الرحمان تدوينة مؤثرة جدا وجهت من خلالها نداء إستغاثة لمحاسبة المتسببين في وفاة شقيقها وهذا ما نشرته :
ليوم أول مرة جيت بش نحكي على شويتي في ليلة و نهار خسرت أعز ما عندي في الدنيا خسرت خويا عمرو 19 سنة … نهار 2 مارس خويا مروح من طريق منزل عبد الرحمان في العشية مع 17 لقى كار التلامذة ياخي ركب فيها ياخي الخلاص ما عجبوش كيفاش ركب و هوا مش تلميذ خويا مدلو حق التذكرة و الخلاص قالو فلوسك ما تخلصنيش صارت مناوشة بينهم من كلمة لكلمة ضربلي خويا بعد تحمو فيه هوا و الشوفور قطعولو حويجو بعد قام يصيح عديه للمركز خويا صغير خاف يخي حاب يهرب ما لقى بيها وين نقز من الشباك بقات ساقو واحلة الوشوفار كيف راه هكاكة زاد في الفيتاس و بقى يجري بالكار و التلامذة تصيح تقولو اقف و هو ما حبش يوقف الكار حتى كيف راه هكاكة حتى لين خويا طاح و لفض انفسو الاخيرة ..جرات العباد و حاولو يسعفو لكن فات الفوت وانا مانيش طالبة حتى شي كان حق خويا نحب الناس الكل تعوني و تبرطاجي الحكاية من 2 مارس لليوم حتى شي ما تبدل كنا نستنو في المحكمة بش تخولنا حقنا الجمعة الي فاتت سيبو الشوفور و الخلاص في حالة سراح قولش عليهم ما عملو شي و انا نحب الحكاية توصل لأكثر عباد عونوني بالله ديما الزوالي مكلينلو حقو في هالبلاد شركة النقل تعونو حطو اليد في اليد و حبو يطلعو هما الي عندهم الحق و خويا الله يرحمو الغالط و انا ما بقيت ساكتة لتو ما حكيتش نستنى المحكمة و تونس بش تخولي حقي طلعت نستنى بالفراغ نسيت الي انا عايشة في تونس .. امي و بابا مشويين ما لقيت حتى حل كان الفيسبوك عونوني حتى ب برطاج و بالهشتاغ هذا

الصور :