بالفيديو .. المصري نيكولا يوسف يرد على الإنتقادات : برشا قالولي كلام وجعني اول مرة نحس بالغربة في تونس

بالفيديو .. المصري نيكولا يوسف يرد على الإنتقادات : برشا قالولي كلام وجعني اول مرة نحس بالغربة في تونس

0 By

اليوتيوبر المصري نيكولاس يوسف يرد على موجة الانتقادات في برنامج دقيقة60 على إذاعة موزاييك :
” انا نعيش في تونس من 2014
– فجأة ولات حملة قومية و هاشتاغ على تفذليكة
– انا طفلة اميي معايا ريتها كاتبة ستاتي” كيف اشفى من حب تونس” وقتها جات في مخي الفكرة
– انا نحكي على مصر كأني مصري و نحكي على تونس كأني تونسي
– الي يتبعو فيا الكل توانسة مش مصارى
– ما حكاوش معايا في مضمون الستاتي اما من ناحية كيفاش مصري ينقد تونس
– إنا غلطت في 3 حاجات خاطر العباد اتبع فيا نحب تونس و ترى تونس بعيون مصرية مستانسين يقراو كلام محلاه تصدمو بالستاتي
– إنا ديما نحكي ين پوبليچ و نسيب الماء عالبطيخ و طبيعي الناس تتفاعل معاك بالسلبي
– برشا قالولي كلام وجعني اول مرة نحس بالغربة في تونس ولي انا براني
– العباد الي تحكي على حرية التعبير كأنها مقتصرة كان عالتوانسة
– حسيت لازمني نقعد رايض و ما نتكلمش في بلاد كليت من خيرها و عندها عليا جميل
– اذا شكرت قالولي تهز في القفة و اذا نقدت سبوني ديما مش عاجب شي
– انا ديجا مواطن اوروبي انا جنسيتي يوناني و ما عنديش باسبور مصري اصلا من 10 سنين
– جاتني فرصة نعيش في أوروبا و ما مشيتش
– اما انا حبيت تونس و ما نحبش فيها
– الكلام الي قلتو مانيش نادم عليه انا نحب تونس و نحبها تتصلح
– علاش قاعد في تونس قلتلهم خاطر نحس روحي حر و نعبر على شخصيتي كيما هي
– اذا خرجت للشارع و لقيت عنف و التوانسة حبوني نخرج من تونس انا نخرج و عمري ما نكره تونس
– مصر مش تونس كل بلاد و ارطالها و تقاليدها و عاداتها
– الي عمل هاشتاغ بره روح نقلو يعطيك الصحة
– اذا قلتو أنا ماسط و تفذليكي ماسط تعملو عليا حملة قومية و تدعو لطردي؟

الفيديو :