بالفيديو .. زهير الجيس غاضبا : رانا تخذنا يا حكومة فاشلة.. قلتو باش تغرقونا في التلاقيح غرقتونا في الكورونا

بالفيديو .. زهير الجيس غاضبا : رانا تخذنا يا حكومة فاشلة.. قلتو باش تغرقونا في التلاقيح غرقتونا في الكورونا

0 By

أثارت مداخلة الإعلامي زهير الجيس في برنامج “بوليتيكا” على إذاعة جوهرة أف أم جدلا واسعا وتداولها المواطنون بكثرة، بعد أن هاجم الحكومة وعبّر عن لوعة المواطنين متحدثا عن ما آل إليه الوضع الوبائي في البلاد وقال :
“الاف المواطنين يكلموني يوميا ويوقفوني في الشارع، اخيب احساس انك تعيش في وطن حلمك انك تخرج منو، قبل فوات الأوان، قالو المواطن ماهوش واعي وجاهل وعنيف ويلزمو العصى وهو سبب البلاء وهو الي خرب الصحة والتعليم والنقل والكياسات، المواطن هو الي يقص في الماء، هو الي جاب الفقر والبطالة، الشعب في تونس هو اامسؤول، لعنة الله على الكذاب الي يقول الكلام الي كنت نقول فيه، هذه حقيقة تحبو تقولوها باش تغطيو الدمار الي عملتوه، فقرتونا جوعتونا كرهتونا في البلاد، واحد ولا حلمو الوحيد ما يبقاش حتى دقيقة في البلاد، برافو حققتو هدفكم انو الشعب الكل ولا يحب يهج ويخليهالكم، ما الذي تبقى؟ نوصلو لدرجة انو نشوفو ناس تفرفط تلوج على الاكسجين وبعد يخرج مسؤول يقلك الوضع تحت السيطرة؟ لا يا سيدي ماهوش تحت السيطرة الوضع.. يا سيدي ماو المواطن مستهتر وجاهل، فلنتحاسب ، شكون المواطن الي دخل السلالة الهندية؟ شكون الي دخل السلالة البرازيلية والنيجيرية؟ المواطن الي جابهم؟ ماهي قراراتكم الفاشلة وارتعاش ايديكم وعركم ومعروكم، نعلنو حجر صحي شامل في بقعة معينة؟ ، هيا يا سيدي نتحداكم وعندي الدليل في المناطق هذيكا الناس الي فيها تخدم ويخرجو ويمشيو المعامل والشركات بأمر من عروفاتهم يا تجي يا نقصو الشهرية.. رانا تعبنا راهي مرارت فداش باش نصيح ونعيّط ونقلكم يا فشلة، ما تعرفوش تحكمو، تعدى علينا السيناريو الايطالي، الهندي، البريطاني تفرجنا في الدول شصاير فيهم من عمناول قبل ما تصير الكارثة وفي كل مرة تخرجو تقولولنا “نعوّل على وعي المواطن”، خوذ قرار اليوم وغدوة ألغيه على خاطر سي فلان وعلان، نقطة أخرى التلاقيح؟ ما تحشموش قدام دول العالم؟ موش قلتو باش تغرقونا في جوان بالتلاقيح؟ هاكم غرقتونا في الكورونا!!

كل من يخرج ويقول الأمور تحت السيطرة راهو كذاب يا شعب الامور ليست تحت السيطرة وخافو على رواحكم ما خايف عليكم حد، بطلو عروساتكم وما تقولش عرسي سابق، لا قدر الله يموت بوك والا أمك والا قريبك؟”

الفيديو :

زهير الجيس : تونس موش رخيصة و يزي من لعب الذري رانا تخذنا

زهير الجيس : تونس موش رخيصة و يزي من لعب الذري رانا تخذنا

Publiée par Jawhara FM Live sur Lundi 28 juin 2021