بالفيديو .. الدكتور زكرياء بوقرة : محلاها تونس الجديدة.. اليوم شفت شعب بطل

بالفيديو .. الدكتور زكرياء بوقرة : محلاها تونس الجديدة.. اليوم شفت شعب بطل

0 By

علّق الدكتور زكرياء بوقيرة، اليوم الاحد 15 أوت 2021، على تسارع نسق التلقيح في تونس والذي يهدف الى تطعيم 50 %من التونسيين بحلول منتصف شهر سبتمبر القادم.
وقال في تدوينة على حسابه الرسمي :

نهار ليوم ما ننساهش، اليوم في مركز التلقيح بطبربة شفت شعب واعي بطل كل شيء بش يجي يلقح

لا صارت عركة لا صارت نبزة لا صارت نطرة، العباد الكل متفهمة.. العباد الكل صابرة، العباد الكل الضحكة ما تنحاتش من وجهم

شفت أمن وجيش يشرفونا في العالم
الكلهم منظبطين من الصباح للليل وهوما واقفين

ومع هذا الكلهم سيسين يجاوبو يعاونو وين تدور تلقاهم مع مواطن ينعتو فيه شنوة لازم يعمل.. شفت مجتمع مدني وقفلي مخي

صغار ناشطين فايقين يطمنوك على مستقبل بلادنا
جيل جديد تماما كي يحكيولك على شنوة يعملو من مساعدات للبشر للحيوانات ولا الطبيعة تحشم على روحك
جيل طموح وما عادش بش يقبل بالردائة متع الدولة الي بناوها الي قبلنا..

و شفت زادا طبة ممرضين صيادلة واطارات صحة مازالو لتوة متجندين بالرغم من التعب متع العامين هذوما

بالرغم من قلة المعروف متع الدولة..

بالرغم من الايامات الصعيبة الي عيشوهملنا مازالو مواصلين،مازالو مأمنين اننا بش نغلبوها ولتوة عاطين كل ما عندهم بش يحاربو ها الكابوس الي غرقونا فيه

اكيد النهار هذا موش بش ننساه..
شكرا من كل قلبي للعباد الي نجحتو ومبروك لتونس الرقم القياسي الجديد.
#تسقط_دولة_الموت و #تحيا_دولة_الحياة
#حجر_صحي_شامل

الفيديو :

الدكتور زكرياء بوقرة يلبي دعوة رئيس الهيئة المحلية للهلال الأحمر التونسي بطبربة السيد ماهر النموشي لزيارة معهد حنبعل بطبربة و يوجه نداء للطبربية للتلقيح و يشيد بالتنظيم المحكم بالمركز #نمنعوا_طبربة #الهلال_الأحمر_التونسي #الهيئة_المحلية_للهلال_الاحمر_التونسي_بطبربة

Publiée par Croissant-Rouge Tunisien comité local de Tebourba sur Dimanche 15 août 2021