بالفيديو .. لطيفة العرفاوي تردّ : الغناية محضرينها من عمناول والي هاجموني هوما ضد قرارات 25 جويلية

بالفيديو .. لطيفة العرفاوي تردّ : الغناية محضرينها من عمناول والي هاجموني هوما ضد قرارات 25 جويلية

0 By

تدخلت الفنانة لطيفة العرفاوي على إذاعة إي أف أم منذ قليل للرد على الانتقادات والضجة الكبيرة التي تسببت فيها أغنيتها الجديدة “يحيا الشعب”. وقالت لطيفة :
“الغناية حضرتها من عمناول أنا وأسامة فرحات، والي صار نهار 25 جويلية فرحنا بيه الكل..
بعد الغمة الي عشناها في الكوفيد فلي صار في تونس، والناس مطيشة في السبيطارات وفي الشوارع، وشبابنا الي مات في الهجرة غير الشرعية، أنا قعدت شهر ونصف مكتئبة على تونس، وما نجم كان نفرح بالقرارات هذيكا وخاصة الي صار في البرلمان وأحداث العنف والفضائح..
كان لازم نقول يحيا الشعب ويزيد يحيا، آش يحبوني نقول.. الغناية حضرتها من قبل وجاء وقتها توا هبطناها، أنا مانيش ضد أي حزب ولكن ضد إلي دمروا بلادي، وأنا ما استفدت من النظام السابق ولا الي قبلو، بنت منوبة وكافحت وخدمت ووصلت بذراعي، مانيش محتاجة نتملق لا لرئيس ولا لنظام وأنا مسؤولة كان على الفيديو الي هبطو في صفحتي، والي هاجموني هوما ضد تونس ومعروفين شكون وهوما ضد فرحة الناس الي خرجوا للشوارع..”.

الفيديو :

الفنانة لطيفة : عمري لا استفدت من اي نظام وهذا ردي على حاتم بالحاج

#Star-time #IFM الفنانة لطيفة : عمري لا استفدت من اي نظام وهذا ردي على حاتم بالحاج تابعوا برامجنا وآخر المستجدات 24/24 و 7/7 عبر قناتنا على اليوتيوب Suivez nos programmes et toute l'actualité 24/24 et 7/7 sur notre chaine Youtube youtube.com/RadioIfm

Publiée par Radio Ifm sur Lundi 2 août 2021