أخبار تونس

فيديو عزة سليمان : برشا بعثولي ميساج فيه “أنا يوسف”.. فلحتو كان في الريق البارد

بالفيديو / عزة سليمان : برشا بعثولي ميساج فيه “أنا يوسف”.. فلحتو كان في الريق البارد

بالفيديو / عزة سليمان : برشا بعثولي ميساج فيه
نشرت الممثلة عزّة سليمان بطلة مسلسل براءة، تدوينة على حسابها الخاص تهاجم فيها بعض الأشخاص الذين يقومون بإرسال عبارات من نوع “أنا يوسف” لها، ويسخرون من شخصية “مريم” في مسلسل براءة.
وقالت عزة :
“كي تبعثلي : أنا يوسف شي ما يضحكش هذا يدل على قدّاش تفكيرك سام!
و إلّي صار ال مريم شي مايضحكش خاطر برشا نساء عاشوه و عايشينو توة في مجتمع لا رحمهم و لا فهمهم و لا سمعهم و عاونهم..
في بلاصك ما تتفكهج و تبعث الميساج هاذا وعي روحك باش ينقص من المجتمع عبد تخمامو سام كيفك.. فلحتو كان في الريق البارد.. مجتمع ذكوري فكاهي !!.
وأضافت :”
في مجتمعنا الشخص المريض نفسي نعيطولو: مهبول
نحشموه على روحو و ما نخذوش مرضو بجدية و إلا مانصدقوهوش ونقولو يلوج على الاهتمام و يعمل فيهم و مركبها ال روحو! أما كان نفس الشخص عندو مرض جسدي و الا عامل عملية والا حتى زلق و ساقو تكسرت هكاكة نوليو هكا هكا بيه و ناقفو معاه لين يبرا و ياقف على ساقيه! ناسين الي المرض النفسي مهم بالضبط كيما المرض الجسدي! و بربي راو المريض نفسي ماتعيطولوش مهبول و ماتضحكوش عليه!
مجتمعنا بطبيعتو معاقبو و حاط السباط فوق راسو و يزيد يعفس عليه باش حتى كان عندو طرف أمل أنو يعيش كيما الناس و بين الناس ينحيهولو قدام عينيه.
بدل من روحك و وعيها خاطر ماتنساوش الي المجتمع احنا! و مافماش احنا و هوما!!!”.
 
الفيديو والصور :

Kalil Zafar Maalouf

رئيس الموقع و مهتم بكل ما هو اخباري ترفيهي و كل ما هو جديد في العالم العربي و مدون بخبرة 7 سنوات في الكتابة على المواقع و المدونات و متابعة للشان العربي و العالمي من اخبار عربية و عالمية و رياضية.
زر الذهاب إلى الأعلى