أخبار تونس

بمناسبة عيد المرأة .. الفة يوسف :”ما احلاه التعصيب اللي يعطي للعصبة (بضم العين) الذكور الامتيازات، ويعطي للاناث…” !

بمناسبة عيد المرأة .. الفة يوسف :”ما احلاه التعصيب اللي يعطي للعصبة (بضم العين) الذكور الامتيازات، ويعطي للاناث…” !

بمناسبة عيد المرأة .. الفة يوسف :”ما احلاه التعصيب اللي يعطي للعصبة (بضم العين) الذكور الامتيازات، ويعطي للاناث…” !

 

بمناسبة عيد المرأة  كتبت الدكتورة الفة يوسف نص مثير هذا فحواه :”

في اللي يسميوه عيد المرأة، مانيش باش ندخل في التآويل متاع للذكر حظ الأنثيين…باش نحكي لكم على حاجة أخرى اسمها “التعصيب”…تخلي الميراث يمشي لأقرب عصبة ذكر (بضم العين)…

عندي صاحبتي لاهية بعمتها المريضة تو عشرين سنة…لاهية بيها على خاطر تحبها وعلى خاطر صاحبتي طيبة وحنينة…العمة ما عندهاش صغار…كيف ماتت عمة صاحبتي ورثها خو صاحبتي اللي لا عمره نهار طل على العمة والا حتى سأل عليها بالتليفون…

هذا هو قانون مجلة الاحوال الشخصية، وهذا ما فيهش أصلا نص صريح، هو اجتهاد كمشة فقهاء من أربعطاش قرن لتالي، وهوما بيدهم اختلفوا فيه، وثمة شكون من الفقهاء ما يعملش بالتعصيب…

فبحيث، كل واحد ما عندوش صغار وماتوا اخواته ووالديه، باش يورثوه الذكور اللي عندهم علاقة بالذكور فقط…

ما أحلاها المساواة، وما احلاه التعصيب اللي يعطي للعصبة (بضم العين) الذكور الامتيازات، ويعطي للاناث نفس اللفظ (بفتح العين)…

بلاد الطررني، ساقيها في الطين وتحتفل بمجلة عندها قريب السبعين سنة فيها خنار ازرق…

Kalil Zafar Maalouf

رئيس الموقع و مهتم بكل ما هو اخباري ترفيهي و كل ما هو جديد في العالم العربي و مدون بخبرة 7 سنوات في الكتابة على المواقع و المدونات و متابعة للشان العربي و العالمي من اخبار عربية و عالمية و رياضية.
زر الذهاب إلى الأعلى