أخبار العالم

بيّة الزردي تهاجم زازا :”تتفكر الفضيحة الي صارتلك وأنا وقفت معاك؟ ما أقل خيرك” (فيديو)

بيّة الزردي تهاجم زازا :”تتفكر الفضيحة الي صارتلك وأنا وقفت معاك؟ ما أقل خيرك” (فيديو)

تحدّثت بيّة الزردي خلال استضافتها في برنامج الدّوامة على إذاعة إي أف أم حول خلافها الأخير مع الفنانة زازا، وتمزيقها لصورتها في برنامج تلفزي وقالت :”اللي صار كيف اللي صارلي مع كلاي بي بي جي نفس الشي حسيته، وقت اللي أنا عطيت رأيي باحترام على الموسيقيين وقت اللي زملائهم ماعندهمش عشاء ليلة وقت الكوفيد و مسكرة ..

تجي انت تسبلي أصلي و فصلي وبرشا كلام خايب.. قطعتلي عرضي قطعتلها صورتها وماكانتش ردة فعل مبالغ فيها ابدا “.

وردّا على ذلك، نشرت زازا تدوينة على حسابها الخاص توجّه فيها كلامها لبيّة الزردي وهذا ما جاء فيها :”الي يحب يكذب يكذب على الميت.. أما الحي يواجهك بالدليل والحجة.. رب عذر أقبح من ذنب.. يا كذابة وأنا مي نقول ما نكذبش”.

وأثار ذلك غضب بية الزردي التي نشرت تدوينة جديدة على حسابها الخاص واتهمت زازا بالكذب والإفتراء، وهذا ما ورد فيها :”لا عاد زعيمة الكذابة تتهمني بالكذب .. وعندها الدليل زاده؟ أنا ما شفتش رقعة أصح من هالرقعة ..

قالت زادة : أنا كي نقول ما نكذبش..
على شكون تحكي ؟ على روحك؟
وفي الكاميرا كاشي شنوة عملت؟
موش ناقشت على كذبة؟ مقابل مبلغ كبير؟
تتفكر هاك الفضيحة؟ وإلا معملة على الذاكرة الضعيفة متاع التوانسة؟

تتفكر الشخص الوحيد إلي دافع عليك شكون؟
أنا يا مدام ما أقل خيرك عندك الحق تقول عليا كذابة يلي ما تحشمش..
اي اي كذابة على خاطر المفروض وقتها ما تسخفنيش..
الي يكذب على التوانسة إلي حبته ما يلزمش يسخفني..
وأنا سخفتني برشا كي سمعتك بكري وتونس الكلها فاقت بكذبتك..

عندك الحق أنا كذبت والمرة الوحيدة الي كذبت فيها وتوا هات دليلك يا زعيمة الكذابين..
وانت الي يحب يتفرج على إبداعاتك في الكذب يتفضل على اليوتيوب كل شي موجود اتقي شر من أحسنت إليه”.
الفيديو :


#بية #الزردي #تهاجم #زازا #تتفكر #الفضيحة #الي #صارتلك #وأنا #وقفت #معاك #ما #أقل #خيرك #فيديو

كريم الفضلي

رئيس الموقع و مهتم بكل ما هو اخباري ترفيهي و كل ما هو جديد في العالم العربي و مدون بخبرة 7 سنوات في الكتابة على المواقع و المدونات و متابعة للشان العربي و العالمي من اخبار عربية و عالمية و رياضية.
زر الذهاب إلى الأعلى