أخبار تونس

زكرياء بوقيرة : إنتهت حلول الأرض حضروا رواحكم للإنهيار الشامل و هذا شنوة لازمكم تحضروا باش ما تموتوش

أكد الدكتور زكرياء بوقيرة في تدوينة نشرها على صفحته على الفايسبوك أن العالم يعيش وضع صعب و مرحلة إنتقالية قد تأدي إلى حرب كبيرة يذهب ضحيتها البشر ويأتي ذلك بعد الأزمة السياسية التي تعيشها ٱوروبا.

 

وأوضح أن الأزمة عالمية ستنعكس على البلدان النامية مثل تونس لهذا دعى الدولة التونسية و المواطنين لتخزين المؤونة و الأدوية لتجنب السيناريو الأسوء.

 

و قال زكرياء في تدوينته :

الكلكم تعرفوا أن العالم في أزمة مالية حادة
الأزمة هذه تمس تقريباً في الأسواق العالمية الكل في سوق الأسهم في السلع في السندات وحتى في العملات المشفرة
ما مانع منها حد
شركة كيما فايسبوك مثلاً (META) خسرت 71% من قيمتها عام 2022 بركة (اللون الأزرق الفتاح على الصورة)
نحكيو على 245 مليار دولار تفسخو في عام ما يساوي 790 ألف مليار من مليماتنا
أكثرش من مؤشر S&P 500 إلي يمثل ال500 أقوى شركة أمريكية متداولة على سوق الأسهم
المؤشر هذا خسر 18% من قيمتو عام السنة (اللون الأحمر على الصورة)
ولكن في هذا الكل فما شركة قاعدة تحقق في أرباح جنونية والسوق ينتظر أن تتفاقم ارباحها أكثر واكثر
عام السنة بركة ربحت قيمتها السوقية أكثر من 37% أي ما يقارب 147 مليار دولار (اللون الأزرق على الصورة)
هي من القلائل إلي في سوق إرتفاعية في وقتنا هذا
زيد ليوم كملت كسرت الresistance ودخلنا فعلياً في bull run جديد
كي تسمعو هكا تنجموا تفرحوا ما دم فما حاجة تربح في الفلوس وتنجم تربح بااااااارشا في المدة الجاية
هذا خاطر مازلت ما قلتلكمش شكوني الشركة
الشركة إلي نحكيلكم عليها هي Lockheed Martin وهي أكبر شركة أمريكية وعالمية للأسلحة
نشالله نكون غالط خاطر ما فماش ما أخطر وما ابشع منها
ولكن بدينا رويداً رويداً نقربولها
نحكي على الحرب طبعاً
وهي حالة جنونية خاصة بجنس البشر فقط
يورينا كل مرة أبشع ما فيه
ما يمشيو فيها كان البسطاء مساكن
يستعملوهم الحكام كوقود بش يخدموا هوما رواحهم ومصالحهم
ما نعرفش وقتاش بش تصير
ما نعرفش كان بش تصير
ما نعرفش كان توصللنا
أما إلي نعرفو أن الفرضية قاعدة تمشي وتكبر ولهذا لزم من توا نحضرو روحنا
من توا لازم على الدولة أن تؤمن المخزون الستراتيجي للتونسيين من الغذاء والطاقة والأدوية
من توا لازم تكون حاضرة لكل الفرضيات
الأمن القومي التونسي في خطر وواجب السلطة أنها تحمينا
site270
site270

 

Kalil Zafar Maalouf

رئيس الموقع و مهتم بكل ما هو اخباري ترفيهي و كل ما هو جديد في العالم العربي و مدون بخبرة 7 سنوات في الكتابة على المواقع و المدونات و متابعة للشان العربي و العالمي من اخبار عربية و عالمية و رياضية.
زر الذهاب إلى الأعلى
لا يسمح لك لنسخ المحتوى أو عرض المصدر