عاجل / الدكتور ذاكر لهيذب يطلق صيحة فزع و يدعو الي توفير هذا الدواء في المستشفيات و الصيدليات لتجنب إرتفاع حالات الموت الفجئي (صور)

“الدواء هذا مهم جدا وحيوي vital .
هو يطيح من ارتفاع البوتاسيوم في الجسم وخاصة لمرضى القصور الكلوى .

راهو كيف يرتفع منسوب البوتاسيوم في الجسم تتعرض العضلات الكل الى تشنجات والاخطر هي تشنجات عضلة القلب .

يلزم بسرعة اعطاء هذا الدواء والا القيام بتصفية الدم ( وهو شيء غير متوفر في كل الحالات وهنالك تهديد بالاضراب لمصحات التصفية )

هذا الارتفاع اذا ما عالجناهش ينتج عنه عدم انتظام نبضات القلب الخطير. Troubles du rythme graves type tachycardie ventriculaire et fibrillation ventriculaire وهو قات.ل.
يعني كيف يختفى دواء من هذا النوع من البلاد راهو فما مرضى باش يموتوا .

يهديكم ربي سرعوا في تزويد الصيدليات بهذا الدواء في اقرب وقت كبل ما تزيد حالات الموت الفجئي لمرضى الكلى والقلب .

والي مروح لتونس يجيب معاه وينشر والا يتصل باقسام الكلى في المستشفيات والا مصحات تصفية الدم .”