أخبار تونس
مريم بن مامي لسمير الوافي : علاء الشابي هو الرأس المدبر و مانيش مسيبتكم
قدمت الكرونيكور مريم بن مامي قضية أخرى بالإعلاميين سمير الوافي و علاء الشابي.
و عن التفاصيل قال سمير الوافي في تدوينة نشرها اليوم السبت 24 ديسمبر الجاري أن محامي مريم بن مامي أعلمه أن موكلته قدمت قضية أخرى ضده وضد علاء الشابي قائلا” ربما لم يبرد السجن قلبها وتطالب بإعدامي ”..والقانون يمنع ذلك إلا في الجانب المدني ( يعني تعويض مادي ) أما الجزائي فقد إنتهى بصدور الحكم السابق وأغلق الملف…لذلك فإن قضيتها الثانية مدنية وسنواجهها بالقانون…”
و جاءت التدوينة كالتالي : أعلمته بدوري أنني أنا أيضا رفعت بها قضية جزائية…في الثلب والقذف…وتمت معاينة وتوثيق ذلك في مختلف تصريحاتها الكثيرة…التي ذكرت فيها والدتي ووصفتني بأوصاف يعاقب عليها القانون وفيها ثلب وقذف وتشويه وتشهير ثابت…وقد جرها تشنجها وإستغلالها المفرط من الإعلام إلى السقوط في الثلب…وهو ما لا تبرره الشكوى الأولى التي رفعتها والتي مكان النظر فيها هو المحكمة وليس الإعلام…وحقها تناله بالقانون وليس بالثلب والقذف والتجريح وبذكر أمي الفاضلة التي يؤسفني مجرد ذكرها على لسان هؤلاء…!!!
أنا تمت محاكمتي ظلما على الإساءة عبر شبكات التواصل…دون أن أكون قد سجلت أو سربت أو نشرت التسجيل المذكور في وسائل التواصل و الذي كان مجرد مكالمة هاتفية شخصية…كنت ضحية غدر من سجلها ومن سربها ونشرها…أما هي فالثلب الذي إرتكبته ضدي علني وثابت وموثق…ولن أتسامح في حقي وحق والدتي…والقانون هو الفيصل…!!!
للأسف نهدر طاقتنا ونبذر وقتنا في هذه التفاهات والهوامش…لكنها إكراهات تجبرنا على التفاعل مع هذا الإصرار المتواصل على البوز السهل وعلى الإنتقام والتشفي…!!! ”
وفي ذات السياق صرحت مريم بن مامي في برنامج لاباس على قناة التاسعة مع الاعلامي نوفل الورتاني :
عاودت رفعت قضية بيهم ، لأنو حكاية علاء الشابي تقعد ديما غامضة .. ماخذيتش حقي من علاء الشابي ، حتى كي سمير الوافي دخل للسجن حسيت إلي تظلم مقارنة بعلاء … أنا قعدت باهتة كيف جاني الخبر نستخايلهم الزوز توقفو …
كيف شفت مع المحامي نلقى الدوسي متاع علاء الشابي تقفل ، أنا ضربت صدمة … بعد ماتعدى على شرفي وقال فيها الحاكم مايخذليش حقي ويتلفتو لسمير الوافي إلي طلب مني السماح وكلمني في التاليفون ودخل بيناتنا هادي زعيم أما أنا ماقبلتش الاعتذار متاعو لأنو إذا باش نسامح يلزم نسامح حتى علاء الشابي وقتلي هو الرأس المدبر …
عاودت فتحت الملف باش ناقف حقي وموش باش نسلم فيه … بعد ماشفت السبوت جاتني صدمة من سمير الوافي قعد واقف على نفس الحكايات ، إلي صار من الأول هو عاود جبدلي ستاتي عملي فيه ضربة متاع جهاويات …
أنا مانيش نجري وراء محبة الشعب والدليل أني مانيش قاعدة نعمل في الشعبوية ، إلي يحبني مرحبا وإلي مايحبنيش فيلامان … يحب يردني أنا نحقر في المرا إلي تحمي في الطبونة لا ياسيد ، معناها أنت تحبست بالقانون وماتعلمت حتى شي ،
أنا ماتشمتش فيك والدليل كنت نجم نزيد نكبش وتزيد ولكن أنا عندي الحاكم خذالي حقي شديت حبس ولا ماشديتش ماهوش هدف .. يزينا من اللغة الخشبية هذي …
أنت طيحت قدر بابا وخويا وراجلي ورجال عايلتي وبو بنتي وطفينا الضوء أما اليوم تعاود تجبدلي لحكاية هذي نقلك مانيش مسلم في حقي وحقي ماخذتو ماخذتو منكم الزوز
#BBD0E0
»
