الوافي يردّ على ميقالو :”ما استدعاوكش للعرس خايفين لا تجي مستنشق الكوكايين وتفضحهم.. مصوحب مرا تصرف عليك”

علّق الكرونيكور والممثل وسيم الحريصي المعروف بإسم “ميڨالو” في عدد يوم أمس من برنامج JDT على قناة الحوار التونسي على الضجة الإعلامية الكبيرة التي صاحبت حفل زفاف نجل رجل الأعمال و رئيس الترجي الرياضي التونسي حمدي المدب و حضور الكثير من الوجوه الإعلامية و الفنانين و غيرهم.

وهاجم ميڨالو الإعلامي سمير الوافي الذي كان حاضرا في الزفاف وقال أنه لم يكن مدعوا لحضور الحفل :” انا ماعنديش التزامات و ماستدعاونيش و فما اللي ماستدعاوهمش اما يبداو يمدو في وجوهم من غير مانسمي.. فما واحد من الوحوش بدا من الجامع زعما داخل يصلي مع جماعة الجمعة وبعد تلفت لحمدي في الوطية متاع النساء لقاوه غادي .. بعد لقاوه في العرس يفكو فيه فكان و هو يبكي.. وزاد كلالهم خبزة القاطو”.

و في ذات السياق رد سمير الوافي على كلام ميڨالو مهاجما اياه عبر تدوينة شاركها على صفحته فايسبوك اتهمه فيها بتعاطي الكوكايين و قال :”نورمالمون نترفع على الرد على واحد الغبرة ماكلتلو شطر مخو…ولكن ساعات نحب نتسلى بتسخسيخ الأشكال هاذم :”موش ذنبي أنهم حقروك وطفاوك يا مهرج انت و الجبان اللي محرشك ويكشخ من بعيد…وما استدعاوكش للعرس رغم التلحيس والطحين والتذلل…خايفين منك تجي للعرس متاع الناس مستنشق النفة كالعادة وتحشمهم وتبلبز وتفركح…الإستدعاء موش فخرة والا إنجاز لكن فيها برشة إحترام وتقدير أنو رئيس الجمعية يكلمني شخصيا ويستدعاني…ويفرح بيا ويكبر بيا كيما شافوا برشة ناس غادي…لأنو علاقتي بيه عكسك إنت لا فيها لا طمع ولا ذل ولا تلحيس…وعمري ما طلبت منو حاجة وهاني كتبتها علنا وهو باش يقرى كلامي هذا الكل…وما يجمعني بيه كان حب الترجي وصداقة نعتز بيها وتشرفني من غير حتى مصلحة…و هو يعرف…”.

و أضاف :”أما إنت تي فضايحك في كل بلاصة…وصلت تتسلف من ليبيين باش تلقى مصروف النفة متاعك…وفيهم شكون باش يشكي بيك على فلوسو وبالأمارة عندو علاقة بالكافيار…وكلمني باش نتدخل قبل ما يشكي بيك وحكيت مع عرفك الصغير باش نحاول ننقذك قال لي أخطاني منو الناس الكل يكلمو فيا على مشاكلو باش يشكيو بيه…وتوة ما عندك حتى حل كان تذل وتهبط راسك باش تاخذ مصروفك من عند هذيكة…لذا فك عليك مني خاطر فضايحك عندي وكان نحكيها ما عادش توري وجهك كان عندك بقية كرامة…”

و أردف :”عيب نحكي على عرس الناس والا نجبد حكاية إستدعائي والا ننشر حاجة تسكتك خاطر أمور شخصية ما تهمنيش وحدي…وما نعتبرش مجرد إستدعاء لأي عرس فخرة والا إنجاز…لكن إذا كان مجرد إستدعائي للعرس من طرف كبير العايلة شخصيا موش عن طريق المشاشو الذليل متاعو يقلقك ويعذبك ويغيضك للدرجة هذي…فأنا نعذرك خاطرك رخيص وذليل وماشي في بالك التلحيس يعطيك قيمة وقدر…وقد ما حاولت تدبر إستدعاء حتى واقف في الباركينغ ما نجمتش…أعمل سطيّر كالعادة تو تنسى القهرة صاحبي…ورد بالك خاطر دوسياتك محلولة وموش كل مرة تنجم تمنع كيما المرات اللي فاتو…”.

الفيديو :