ذكرى الشابي بتأثر :”وقتلي باش نولد ما لقيت حدّ معايا.. والتاكسي كيف هزني للكلينيك بقى مصدوم” (فيديو)

تحدّثت الأنستغراموز التونسية ذكرى الشابي خلال استضافتها في عدد اليوم من برنامج فكرة سامي الفهري عن ما عايشته خلال الفترة الماضية من احداث و كيف اثر ذلك على حياتها الشخصية .

و تطرّقت ذكرى الشابي في حديثها إلى زواجها و كيف تعرفت على زوجها و قالت :”عرست بالساكتة وسط اصحابي و عايلتي نهار 25 جويلية عيد الجمهورية … و جبت ولدي 1 ماي نهار عيد الشغل ما في باليش الي انا مازلت مهمة باش نعلن على زواجي انا من 2020 مختفية.. “.

كما تحدّثت عن ظروف زواجها والانتقادات التي طالتها بعد اعلانها عن حملها :”وجعني الكلام متاع الناس هاي ما عرستش تكذب انا اموري واضحة دينيا و قانونيا.. و لزوني باش هبطت صداقي مضمون زواج على أنستغرام باش ينقصو من التكذيب… تصورو الكلام الي يخرج عليا و انا وقتها حبلة و في وقت حساس توجعت برشا.. انا عرفت راجلي 10 شهور قبل العرس و كي عرسنا عن حب عشنا تحت سقف واحد اكتشفنا الي ما نتفاهموش بعد شهرين خممنا في الانفصال..انا خذيت القرار و انا حبلة يمكن في وقت غالط ما في باليش كي نمشي للمحكمة باش نتأثر و نتوجع.. اعصابي تعبت في الوحم و هو ما راعاش ظروفي “.

وكشفت ذكرى أنها عاشت ظروف صعبة جدا خاصة خلال ولادتها بحكم أنها تعيش بمفردها، وقالت :”شدتني الوجايع وأنا وحدي.. كلمت 5 صحباتي لقيتهم راقدين ما يهزوش.. طلبت تاكسي وهبطت وحدي ومشيت للكلينيك.. التاكسيست ماهوش مصدق يقلي يا مدام مثبتة باش تولد”.

الفيديو :