شقيقة ضحية حادثة صفاقس تردّ :”ولد أختي بريء لوجو على المجرم الحقيقي.. عاقل وما يتعاطى حتى مخدّر” (فيديو)

تحدّثت شقيقة الضحية التي توفيت في فاجعة صفاقس رفقة زوجها وابنتها داخل منزلهم، وذلك خلال استضافتها في برنامج ستوديو 9 على قناة التاسعة عن تفاصيل الحادثة، وقالت ان شقيقتها الراحلة كانت تنعم بحياة هادئة و عادية جدا نافية أن يكون الإبن هو الفاعل.

وقالت ذات المتحدّثة :”الليلة هاذيكا كنت في فرنسا نخدم وعمري ما توقعت نسمع خبر هكا.. احنا عايلة عادية جدا وما عناش مشاكل و اختي هاذي أستاذة حياتها قرايتها و المعهد ومركزة على اولادها.. و هاذاكة ولدها اللي توقف لاهو ولد راجلها و لا شي اختي و زوجها ماكانوش معرسين من قبل..”.

و أضافت :”احنا تعبنا من برشا تأويلات ، الطفل لا يتعاطى في حرابش و لا مهدئات ..الطفل ولا عندو مرض نفسي.. الطفل يقرا سنة أولى جامعة عملولو تحليل طلع نظيف هو والطفل اللي معاه هوما اكتشفوا الجريمة… يسكن مع عايلته خذاو شقة باش يراجعو كشباب تونس و يدخل و يخرج على بوه و امه .. الطفل هذا ميسور الحال ماعندوش علاش يخمم باش يحرق او شي آخر .. “.

وأضافت معلقة :”احنا تقلقنا من الإشاعات برشا و تمسينا كعايلة الكل و فما سرقة في الموضوع مصوغ اختي الكل ما فماش.. اختي عندها صياغة عرسها و عندها كادوات هداهملها راجلها.. هوما الحمد لله ميسوري الحال.. وفما دافع سرقة “.

الفيديو :