لم يعد يظهر في أي قناة تلفزية منذ أشهر .. الكشف عن المهنة الجديدة لسمير الوافي

كتب الإعلامي سمير الوافي – يا جماعة يهديكم…ما تحملونيش مسؤولية أثقل من قدراتي…أنا مانيش نخدم هوني في فايسبوك…والكتيبة هوني موش خدمتي ولا فمة شكون يخلص فيا ولا نعمل إشهار بالفلوس…أنا فقط نكتب بالكيف وبمزاجي وبإحساسي…نمارس في غرام كبير عامل بيه كيف…و الكتيبة في الجرايد بمقابل اعتزلتها منذ زمن…أنا هوني حر طليق وصادق ومستمتع وعَرْف روحي ورئيس تحرير روحي ومدير روحي…وضحيت بالفلوس مقابل حريتي التامة والمطلقة…في انتظار يبدى مشروعي الكبير المنتظر على الديجيتال قريبا واللي باش يكون ثورة في عالم الإعلام الجديد انشاء الله وموش مجرد قناة في يوتيوب أو غيرو…ووقتها نحصد اللي نزرع فيه عندي مدة بكتيبتي هوني…ونستثمر في عدد المتابعين والشغف اللي يتبعوني بيه…وهذا ما عندوش علاقة برجوعي للتلفزة في الموسم الجديد بإذن الله…

لذا الكتيبة بالكيف لا تعني أني مطالب بمتابعة كل شي…ونقد كل شي…وموش كل عرض نمشيلو والا تصريح نسمعو والا حدث نتبعو لازمني نكتب عليه…موش خدمتي وموش وظيفتي وموش واجبي…انا عامل كيف فقط ونحاول نكون صادق وموضوعي…نحاول فقط…مانيش ناقد كبير ولا كاتب عظيم ولا مرجع…لكن نحاول نكون صادق وحقيقي وذلك يكفي…مع الشكر