الصحفية شهرزاد عكاشة تكشف عن أسباب انقطاع الكهرباء في كامل التراب التونسي وما يحدث في البلاد

كتبت الصحفية شهرزاد عكاشة – كذبتان كبيرتان هذا الاسبوع و بالطبيعة مرّتا مرور الكرام :

1- عملية التدقيق في الانتدابات الغاية منها اثبات فساد النهضة إبتداءً من 2011 ظاهريا ، باااهي اوكي صدقناكم ، لكن اذا قلنا ان معدل اعمار المنتفعين الان في 60 عاما لان الاغلبية منهم تعزلوا اوائل التسعينات و معدل أعمارهم وقتها بين ال30و ال40 .. يعني توا اغلبهم أحيلوا على التقاعد أو على أبواب تقاعد .. يعني سيادتك ربي يهنيك كون على دينك و قلنا راني نحب انقّص من عدد العاملين في الوظيفة العمومية وقتها انجموا نفهموك و نحيّيوا صدقك .

2- وقت تجيوا تقولولنا ان عملية قطع الكهرباء كانت بسبب الندوة ، و ما إلى ذلك من استبلاه … يا عباد ربي كونوا شجعان و قولوا الحقيقة .. تنجموا تقولوا مثلا ان صارتلكم attaque و عادي تصير عمليات القرصنة في كل البلدان حتى الاكثر تقدما وين المشكلة.. و الا ما تحبوش تقولوا بش ما نقولولكمش كان اللي بعثتوا بيه وزير تكنولوجيات الاتصال هاك المرة للامريكان تحبوهم يعاونوكم على صنصرة الفايسبوك و رفضوا ، راكم طلبتوا بيه يعاونوكم على الوقاية مش خير ؟؟