بالفيديو / رانيا التومي :”أبو فاروق أقوى راجل في الدنيا.. وأنا وياه عمرنا لا تعاركنا”
وقالت رانيا عن تفاصيل تعارفهما :”أول ما عرفتو كنا أصحاب وعنا شلة ديما نقعدو مع بعضنا وقعدنا يجي 7 شهور أصحاب.. كي نخزرلو نقول ياخي مازالو فما رجال هكا بالاخلاق هذه وبالتربية هذه.. وبعد ولينا نخرجو وحدنا معادش مع أصحابنا..
أنا حسيت روحي نحبو وهو عينيه قلوب وما قلناش لبعضنا.. حتى جا يوم من الأيام قلي بتحبيني؟ ياخي أنا بديت نغني.. وبعد سألني قلي تقبل بيا كزوجك المستقبلي.. قعدت باهتة ما لقيت ما نقول”.
وأضافت رانيا :”من الاول جات صعيبة حكاية اللهجة والخدمة.. وبعد ساندتي علخر في خدمتي والي نعمل فيه..”
وردا على سؤال الهادي زعيم قالت :”هو ماهوش زوج الست بالعكس كي يبدى معايا هو يبدى راجل الست.. فما عباد تجي تتصور معايا عادي بكل احترام وكي نحس الي هو عبد مستفز نقلو سامحني ما نجمش..
من أول ما عرسنا لتوا ما تعاركناش حتى عركة.. هو انسان متفهم برشا ويسمعني وكلامه موزون.. مثلا اللبسة بعد العرس ما يقليش ما تلبسش هذه.. يقلي محلاها لبستك وكتير حلوة لكن حسيتها تتلبس في البيت لوحدنا.. نولي نمشي نبدّل..
عندي أقوى راجل في الدنيا وربي يفضلهولي”.
الفيديو :
