بالفيديو / درصاف تردّ على بية الزردي :”أنا ما نعرش نغسل الدوارة وأم ل4 صغار.. ملا جهل المرا ماهيش robot”

تحدّثت الكرونيكوز التونسية درصاف الشعال في عدد الأمس من برنامج ستوديو9 عن عيد الأضحى و ما يصاحبه من عادات و تقاليد من غسل “الدوارة” و غيرها و عن ضرورة مشاركة المرأة في كل هذا خصوصا في المجتمع التونسي.

و علّقت على مثل يتم تداوله كثيرا في هذه المناسبة قائلة : المثل الي يقول” الي ما تعرفش تغسل الدوارة ماخذتها في ولد الناس خسارة “.. ولد الناس اللطف عليه مسيب الدنيا الكل وشاد في” دوارة ” و كان عملتلو الدوارة و طلعت تعرف يقول سحرتني.. معناها الي تعرف تغسل الدوارة هذيكا تصلح و لي ما تعرفش ما تجيش أم فاضلة و مرا فاضلة.. تي شبيك ما تفركسش علي الدنيا دوارة معاها علاش جاي جيعان من دار أمك؟.. و انا نهبل كي يقلك عرّس باش على الأقل تلقى ماكلتك طايبة و دارك نظيفة.. ياخي المرا robot يحبوها سباقة جراية وما تاكلش الشعير!! .. تحبها ظوافرها بالvernis و شعرها يهبل و طايها 36 و رطبة تلق وتحبها في نفس الوقت تعمللك الدوارة؟! … “

و أضافت :”انا مانعرفش نغسل الدوارة ولا نخدّم machine à laver و عندي 4 صغار.. الي تمسح و تسيق و تحك و تنظف و تغسل الدوارة يدور عليها على خاطر استانس بيها كل شي موجود.. لاحظ الي قلصها مش مطوي تو تلقاه معاها يشرّه و يجيب و يكركر و اللطف عليك وهي تتشهى و هو يدور بيها الدنيا الكل و التصاور و الشي.. عيش بنتي ايجا نقلك حاجة راك تهد صحتك و تهد بدنك و ما يشبعش”.

الفيديو :