ليلة سبت في عين دراهم -2
ليلة سبت في عين دراهم -2
استحليت للسخانة مع انا جاي ثنية كاملة نرعش بكلي من البرد ركشت عبيت اكا دبوزة خبيتها في خبوني سخنت يدي كي عدت خارج و طلعت الطلعة على تلفيتي للركحة نشوف في واحد لابس بكلو ابيض قدام الأعواد الى نحيتهم يطلع و يهبط عبارة انسان يصلي نبعدو على بعضنا تقريب 15 متر حبست بقيت نثبت اي واعي الى هذاكا واحد قاعد يصلي قلت السلام عليكم مرجعش عليا
بقيت نستنى فيه على اساس باش يكمل و نروح معاه مخي هذاكا اش قالي مع انا صغير منفهمش
ستنيت ستنيت السيد بطى هوا نفس بلاصة يطلع يهبط فديت انا دورت باش نكمل ثنيتي نروح اقسم بالله نفس حسيت بيه في رقبتي سخون قالي و عليكم السلام
كلابي الى رجعو من شطر الثنية نبحو بجنبي تلفت عبارة فص ملح و ذاب شدتني قشعرية في بدني الكل و شدتني الفدة و مطر قصت قصة واحدة حتى قطر مطر عل شجر معادش تسمعو دنيا ولات ساكتة كان صوت الواد يهرهر و الكلاب كان الصوت في وذني هما مفماش روحت كرتوشة لدار اكا غابة الكل هزيتها في ركايبي كي وصلت الكلاب نلقاهم في دار و خلطت
..
. .
على امي مزالت ساهرة كي طليت عليها كيفاه مبلول و وجهي احمر تفجعت مديتلها دبوزة مستها لقاتها سخونة مصدقتش حلتها شمت ماء فما ريحة كبريت مصدقتش شربت منها ذقتها طعمت كبريت مصدقتش
ايا سيدك هيا فزت و انا فرحت ساي باش نخذ 10 لاف و تشدني هاذي تنفع و هاذي تضر
و بعد اكا ليلة الي عديتها من غدوة متسوقتش