ليلة سبت في عين دراهم

سلام عليكم عندي حكاية نحب نحكيها في 2012مزلت كي بطلت من قراية حاصل عمري 12 ولا 13 سنة بطال لا نخدم لا نقراى احنا بلاصة ريف في عين دراهم نسكنو في جبل اقرب مدينة لينا تبعد تقريب 7 كيلومتر نتفكرها ليلة سبت في جانفي دنيا شتاء قوية من غدوة سوق الأسبوعي بحكم ديما في نفس بلاصة و ديما نفس الروتين باش تقلق بسيف عليك حبيت نتسوق نبدل الجو نشوف عباد جديدة مع 21:30 22:00 مزلنا سهرانين انا و امي و خويا و اختي انا الكبير في خواتي قلت لأمي اعطيني 10 لاف

قاتلي لا قريب نص ساعة و انا نلحلح بيها باش تعطيني فلوس شي النافع ربي لين قلتلها شنية تحبني نعمل باش تعطيني كي عرفتني باش نكبش نشد صحيح

(احنا في ريفنا عندنا حمام كبريت في وسط الغابة في جبل )
قاتلي تمشي تعبيلي دبوزة ماء من الغالاية متع الحمام
باش تصعبها عليا و تقلك مستحيل يعملها معنها باش نخاف على خاطر حتى حد بعقلو يعملها باش يمشي في وسط الجبل تقريب 3 كيلومتر و زيد قريب 23:00 متاع الليل و شتاء كيما الليلة هاذيكا
الحاصل سكتت على روحي اما بقيت نخمم فيه الموضوع

ساي تربع الجحش في راسي خليتهم قاعدين عندنا بيوت العربي كل بيت وحدها دخلت للكوجينة هزيت بريكة الي فيها لمبة اكا صغيرة لبست البوط و الكبوط هزيت دبوزة و خرجت امي مشى فيبالها مشيت رقدت
الحاصل زفرت على الكلاب متشجع بيهم و ديقة ديقة في اكا جبل و المطر ياخي يعملوها بيا الكلاب رجعو من شطر الثنية مفقتش بيهم

الحاصل اقسم بالله ثنية كاملة نمشي في غابة نضوي بأكا البريكة والله ما فمى شي كان صوت قطرات مطر على شجر لين وصلت لركحة طل على الحمام و هوا جاي بجنب واد لوطة مني هبطت نحيت اعواد الي كان مسكر بيها دخلت

الجزء 2 يتبع عبر الرابط