بسبب كلام إستفزه: كشف ما حصل في المباشر بين الفنان ريان يوسف والإعلامي عبد الرزاق الشابي

تحدّث الإعلامي عبد الرزاق الشابي خلال استضافته في برنامج jdt على قناة الحوار التونسي عن خلافه مع الفنان ريان يوسف معتبرا أن ريان ناكر للجميل وأنه هو أول من اكتشفه واستضافه في الإعلام.

وقال عبد الرزاق :”مشكلتي مع ريان يوسف هي نكران الجميل.. انا اول اعلامي قدمتو للمشاهدين.. تعرفت عليه في جربة عطاني نومروه.. بعد عام استدعيتو لديمونش حنبعل و كانت أول أول مرة يظهر في الإعلام و قلت انتظرو ولادة نجم.. من بعد طلبني رياض بودينار و قلي تفرجت فيه معاك حاشتي بيه.. و من هنا بدات المسيرة متاعو.. كي سألوه شكون عاونك من الإعلاميين التوانسة قال انا التلافز التونسية ما عاونونيش و ما نمشيلهمش… قعدت باهت واستغربت كيفاش الإعلام التونسي هو الي شهرو تعدى معايا مع أمين و نوفل وهادي.. هاذم الكل نساهم.. انا غاضني نكران الجميل”.

وردا على ذلك نشر الفنان ريان يوسف مجموعة تدوينات على حسابه الخاص نفى فيها ما صرح به عبد الرزاق الشابي مؤكدا أن أول برنامج تلفزي حضر فيه كان على القناة الوطنية، وهذا ما جاء في تدويناته :”

أول حضور تلفزي كان 2009 على قناة الوطنية في برنامج العشوية مع المنشطة يسر الصحراوي و السبب بعد ربي سبحانه و موهبتي، الصوت الذهبي جميل الدخلاوي

قوس صغير برشا ناس كانت بجنبي و امنت بيا يرحم والديهم

يعرفو طبعي ما نخونش وما ننكرش الجميل وربي يهدي..

وكيما ڤال طلال رابح برشا حاجات لازم تتڤال لاكن ما عرفت نوصلها

كلمتين خفاف و سامحوني

عملو و ڤالو فيا كل شيء و عمري ما جاوبت تفاديًا لطياح القدر وللمستوى الي هما فيه

المرة هاذي وصلو يڤولو في كلام غالط و ڤولوني في كلام ما ڤلتاش

ما فهمتش شنوة طالبين مني

ماهاأه مانيش هابطلكم

انتم تشعبطو و أني والله لا نطيحلكم ، ربايتي و أصلي ما يخولوليش نجاوبكم..

كل حاجة ڤلتوها كذب في كذب

 مانيش هابطلكم لمستواكم يا حثالة المجتمع”.

الفيديو :